ŜIPOJ  

Komponisto kaj aŭtoro de la vortoj nekonata,

Traduko de T. Auderskaja

Jen aperas el nebulo,

El nebulo blanka jen aperas mastoj,

Kaj denove en kafejoj

La muziko flustras pri la fora land’.

Mian revon vokas vento,

Vento de vojaĝoj longaj kaj miraklaj,

Al mistera tera rand’,

Al mistera tera rand’,

Mi navigus al la tera rand’.

 

Rf: Eble ion mi forgesis

En pasinto, en pasinto,

Sed ĉi tiuj rememoroj

Gravuriĝis en anim’:

Kaj navigas al mi ŝipoj

El la tempo malproksima,

Sveltaj ŝipoj blankaj kvazaŭ neĝ’

Sur blua mar’ sen lim’.

 

Ruĝa floro en la lipoj

Kaj rigardo flama de l’ okuloj nigraj...

Rememoroj vekiĝintaj

Ebriigas min pli forte ol la brand’.

Sed denove mi foriras,

Logas min la oceanaj vojoj migraj.

Al mistera tera rand’,

Al mistera tera rand’,

Mi navigus al la tera rand’.

 

Rf.