ERINACO

 

Vortoj de S. Nikitin

Traduko de T. Auderskaja

 

ERINACO

 

 

Laŭ bosko ĉeriza,

Laŭ bosko meriza,

Por naskiĝtag’ de l’ amik’

Paŝadis en paco

Sur pad’ erinaco

Kun la flutet’ en manik’.

 

                                                         Sunon rigardis li,

                                                         Floretojn gardis li,

                                                         Treti ne volis dum voj’,

                                                         La kokcinelojn,

                                                         La fungajn ombrelojn

                                                         Li kore salutis kun ĝoj’.

 

Pinglaj abioj!

Pro kio kun krioj

Kuras pikita vulpid’?

Inter amikoj

Sen artifikoj

Ekregu nur am’ kaj konfid’!

 

                                                          Bluas ĉielo nun,

                                                          Sub varma hela sun’

                                                          Por naskiĝtag’ de l’ amik’

                                                          Fluton ludante

                                                          Kaj piedfrapante

                                                          Jen paŝis l’ etul’ tra erik’! (fajfado)

 

Kara birdeto!

Al vi estas peto:

Flugu laŭ ruĝa montril’!

Tie ĉe l’ bovo

Atendas vin trovo:

Plumo el via flugil’.

 

                                                          Jen kun donaco

                                                          Laŭ pad’ erinaco

                                                          Paŝis al sia amik’.

                                                          Sed kion li portis,

                                                          Li nure raportis

                                                          Al Vanjo per flut’ el manik’!

Comments