DIRU, HO MIA BELA

Franca kanto
Traduko de T. Auderskaja

 Rf: Diru, ho mia bela,
Kien navigos ni?
Levis flugilon velo,
Karesas nin juni’.

 La remilo ebura,
La flageto purpura,
Direktilo el or’.
En sxipkelo – vanilo,
Sur ferdek’ – suna brilo,
Blanka vel’ – la flugilo
De l’ angxelo en glor’.

 Rf.

- Cxu vi volas al Lima,
Al Cxini’ malproksima,
Al Norvega rokar’?
Aux florkronojn ni plektos,
Sunradiojn kolektos
Aux la konkojn el mar’?

 Rf.

-         Ni navigu sub velo
Al river’ de l’ Fidelo,
Kie am’ por cxiam’.
- Sed cxi tiu rivero
Ne ekzistas en vero
                                                           En la Land' de la Am'!