Mi portas lian ringon kun fier'!

7 M. Cvetajeva. Mi portas lian ringon kun fier’…

 

                                  S. E.[1]

Mi portas lian ringon kun fier’!
– En Eternec’ – l’ edzin’,  ne por parado! –
Lia vizaĝ’ kun akra karakter’ –
Kiel la spado.

Senvortas lia buŝ’, dolora ark’,
Tragike konkavitas liaj vangoj.
Defie montras sin nobleca mark’ –
Du praaj sangoj.

Li sveltas per sveltec’ de juna kan’.
Kiel abismoj logas la okuloj! –
Sub brovoj – la flugiloj en elan’ –
Du bluoj.

Li – kavalir’, fidela mi vasal’,
– Al ĉiuj, kiuj morton ne evitas! –
Similaj – en la tempoj de fatal’–
Poemojn verkas – esxafodojn spitas.

1914

 

 

Tradukis Tatjana Auderskaja (2017, Odeso)

 

 



[1] S.E. – Sergeo Efron, la edzo de M. Cvetajeva

Subpages (1): Mortint' revivos...
Comments