ORIGINALA POEZIO‎ > ‎

Disŝiras la terglobon ŝtata lim’

Tatjana AUDERSKAJA

***

Disŝiras la terglobon ŝtata lim’,

Disigas homojn la lingvar’ abunda.

El nekompreno iĝas honta tim’,

Aroge regas la malam’ profunda.

 

La antaŭbabilona Paradiz’

Reveni povas, se ni nur deziros.

Kaj preterpasos nin terura kriz’,

Se ni al la frateco kune iros.

 

Ligiĝas ĉiuj kontinentoj

Per ĉen’ de l’ homoj laboremaj.

Boncelas la eksperimentoj

De esperantoj bonfaremaj.

 

Similas al matematik’

La lingv’, por ĉiu unusola.

Ĝi kiel Sun’, sen artifik’,

Al ĉiu estas benevola.

 

Jam tempas limojn pereigi,

Kaj kun la kant’ popolojn ligi!

Kiel ĉielon la Atlantoj,

Terglobon tenos Esperantoj!

 

 

Comments