Tatjana AUDERSKAJA              

              ***

Ĉiuj esperoj – je splitoj ek!

Kaj kvazaŭ al rubujo – al plena forges’!

Plu ne estis aspiro, kaj vervo nek,

Kaj ĉie atendis nur malsukces’!

Al mi ĉi-jare ĉiuj vojoj – retr’!

Sur ĉiuj staras minaca fortres’

Aŭ etendiĝas pik-dorna vepr’

Kaj ĉie atendas min malsukces’.

Vane strebis mi al trankvila lok’,

De ĉiuj flankoj – morda agres’.

Jam mi senhelpas pro sufok’,

Ja ĉie atendas nur malsukces’.

Vanas cedo kaj vanas rezist’,

Ne plenumiĝas ajna promes’.

Ripetiĝas la samo kun morna persist’:

Denove hodiaŭ trafis min malsukces’.

Mi estas senpova kontraŭ vi, destin’!

Sed malgraŭ via konstanta opres’,

Mi ĝojas denove oponi vin:

Ne, nur hodiaŭ trafis min malsukces’!