Tatjana AUDERSKAJA

AL LA JUBILEO DE LUDMILA NOVIKOVA

 

La majstro brila, senriproĉa,

Ŝi kreas rimojn kun rapid’

Ne per la ŝvitlabor’ pioĉa,

Sed elegante, kun la rid’.

 

La tuta viv’ en poezio,

Poemoj ŝprucas el la kor’.

Ŝi kiel bela papilio

Alportas ĉarmon de la flor’,

 

Sed same kiel ĉe abelo

Aperas ankaŭ la mielo:

Belec’ kaj rav’ de fantazi’

El la ĝarden’ de poezi’,

 

Ĝarden’ abunda, multkolora,

Kreita de l’ talento ora

De nia jubileantin’.

Pro ĝi ni dankas, Lunjo, vin!